《ꎔꇁꃨꌠꉂꊿ》
ꀘꊿ：ꐚꑕꒈꎆ
ꊿꉉꇬꀒꎂꁱꌺꎔꄷꈨ，ꇤ꒜ꀈ꒧ꎔꄷꈨ，ꉢꉜꇬꆹ，ꀒꎂꁱꌺꌋꆀꇤ꒜ꀈ꒧ꈍꃅꎔꄿꂿ，ꋌꎔꉠꉌ꒜ꈐꏭꉂꊿꂶꌠꀋꏣꋭ。
ꊿꉉꇬꎔꀕꈨꌺꎔꄷꉉ，ꎔꀕꆪꌺꎔꄷꉉ，ꀑꇈꃰꐎꎔꄷꈨ，ꁦꀑꂙꃨꎔꄷꈨ，ꅙꑭꎽꀮꎔꄷꈨ，ꂷꑭꉑꀮꎔꄷꈨ，ꎺꑌꃱꇌꎔꄷꈨ，ꉢꉜꇬꆹ，ꋌꎔꈍꃅꎔꄷꑌ，ꋌꎔꉠꉌ꒜ꈐꏭꉂꊿꂶꌠꏣꀋꉆ。ꉠꉂꊿꆹ，ꉌꂵꉪꇬꀉꄂꑋꉌ꒜ꊷꆣꀕ，ꇬꇉꁤꐞꄑꂷꉬ。
ꉌ꒜ꈐꏭꉂꊿꋋꂷꆹ，ꉌꐒꆟꎭꉪꆏꄀ，ꐒꐰꊀꐰꁧ。ꐙꄏꌊꆜꉪꆏꄀ，ꇖꌋꊋꑌꁦꅤꇁ。ꂮꐚꈠꆺꉪꆏꄀ，ꀃ꒜ꂊꊫꀕ，ꇭꀧꊷꆣꀕ，ꉌ꒜ꁨꐞꄑ。ꆫꃅꂿꏿꉪꆏꄀ，ꑌꑿꀻꎆꆿꍯꂷꌵꇁ。ꎆꎹꋚꈹꉪꆏꄀ，ꁉꍰꎆꐛꁬꀱꋚꐙꇁ。ꉷꃅꏦ꓀ꇤꍰꇤꄻꉪꆏꄀ，ꉷꋦꐛꁮꄅ，ꆀ꒜ꉷ꒜ꎔꀕꊰꑋꑟ，ꉠꉌ꒜ꉂꊿꏣꂷꇬꀋꐊ。
ꉌ꒜ꉪꅈꐛꉆꑟ：ꉌ꒜ꈐꏭꉂꊿ，ꆏꐈꇁꁦꀑꂚꃨ꒔ꀮꐛ，ꉢꐛꑿꌹꍈꌟꃅꆏꉚꇖ；ꆏꐈꇁꁦꀑꌩ꒜꒔ꁧꐛ，ꉢꊨꊭꌟꃅꆏꉚꃰ。ꆏꐈꇁꒉꋮꇓ꒜꒔ꂷꐛ，ꉢꒈꂃꒊꆱꌟꃅꆏꉚꀜ。ꆏꐈꇁꃅꃴꈧꌺ꒔ꂷꐛ，ꉢꄂꐎꄁꆈꌟꃅꆏꉚꃰ。ꆏꐈꇁꌋꐓꆪꌺ꒔ꂷꐛ，ꉢꃅꃴꏷꌺꌟꃅꆏꉚꌬ。ꆏꐈꇁꒊꄝꃴꇉꀕꌠ꒔ꂷꐛ，ꉢꉜ꒰ꌟꃅ꒔ꍂꆏꉚꆗ。ꆏꐈꇁꄇꈜꈝ꒜꒔ꏢꐛ，ꉢꐕꇁꉺꍯꌟꃅ꒔ꍂꆏꉚꐺ。ꆏꐈꇁꁦꀑ꒔ꂷꐛ，ꉢꏨꆉꌟꃅ꒔ꍂꆏꉚꃰ。ꆏꐈꇁꅙꏪ꒔ꂷꐛ，ꉢꎽꀮꌟꃅ꒔ꍂꆏꉚꊝ。ꆏꐈꇁꂶꏪ꒔ꂷꐛ，ꉢꉑꀮꌟꃅ꒔ꍂꆏꉚꍻ。ꆏꐈꇁꅔꐍ꒔ꂷꐛ，ꉢꏰꌺꌟꃅ꒔ꍂꆏꉚꋶ。ꆏꐈꇁꌿꏪ꒔ꂷꐛ，ꉢꐓꇌꌟꃅ꒔ꍂꆏꉚꀜ。ꆏꐈꇁꉠꈤꇁꑳꏣꐛ，ꉢꌦꅪꌟꃅ꒔ꍂꆏꉚꀥ。ꆏꐈꇁꉠꉌ꒜ꐛ，ꑞꉪꆏꑞꐛ。ꉂꏣꃢꃅꈚ，ꌕꈎꀋꈚꈠꀋꆺ。ꉂꐪꋚꃅꋠ，ꌕꆪꀋꋠꂮꀋꐚ……
ꉌ꒜ꈐꏭꉂꊿ，ꀋꎺꄮꀋꐥ，ꀋꉂꄮꀋꐥ，ꀋꎔꀋꃨꄮꀋꐥ。
ꀋꑍꀋꈤ，꒔ꍂ。
ꉒꏣꑓꂿꉂꏣꑓꀋꂿ，ꆳꁏꅺꈨꉂꐪꅺꀋꈨ。ꐥꑋ꒔ꑳꃅꉆꑟ，ꌦꑋꃅꇴ꒔ꁙꐛꉆꑟ。
ꈍꄮꑲꆀ，ꉌ꒜ꉪꅈꐛ？
作者简介
ꇈꃶ•ꃺꇭꆀꐵ（伍忠华），男，彝族，高级教师。笔名：索玛花的约定、倮伍俐伽。长期从事乡村教育工作。
四川省诗歌学会会员，冕宁县作家协会会员。熟悉彝族尓比、克哲、穆默，喜欢彝族文学，并能用双语（彝语、国家通用语言）进行诗歌、散文创作。文学作品散见于报刊杂志、新媒体。
注明：插图和背景音乐使用ai生成
